Вясковы настаўнік, кандыдат у дэпутаты Бешанковіцкага райсавету Георгі Станкевіч затрыманы за распаўсюд самвыдатаўскай газэты “Крывінка”. Газэту «Крывінка» накладам 299 асобнікаў Георгі Станкевіч выдае і распаўсюджвае ўжо пяты год. І прэтэнзій да яго не было, пакуль не пачалася выбарчая кампанія. Менавіта тым, што ён вылучыўся на кадыдата ў дэпутаты райсавету, настаўнік Пяцігарскай сярэдняй школы тлумачыць ціск з боку дзяржаўных струтур. 8 красавіка міліцыя склала на яго пратакол за тое, што ён нібыта ня мае права распаўсюджваць “Крывінку” сярод сяброў і знаёмых. А 2 красавіка ён атрымаў папярэджаньне ад раённай выбарчай камісіі за нібыта некарэктныя выказваньні на адрас дзейных дэпутатаў райсавету ў сваім радыёвыступе перад выбарцамі. Выступ трансьляваць таксама не дазволілі. Суд перанесены. 20-га красавіка судзьдзя Бешанковіцкага райсуду Вольга Белавус прызнала віну спадара Станкевіча.