5 жніўся на ўчастку для галасавання №3 Уздзенскага раёна была затрыманая назіральніца ад ініцыятывы "Сумленныя людзі" Алена Мешчаракова. Сёння яе судзілі па арт. 17.1 КаАП за дробнае хуліганства ў судзе Уздзенскага раёна Мінскай вобласці. Жанчыну абвінавацілі ў тым, што яна нібыта яшчэ 4 жніўня каля 19.00 на выбарчым участку наўмысна сарвала ўзор бюлетэня ў кабінцы для галасавання, гучна крычала ў прысутнасці грамадзянаў, чым парушыла іх спакой і грамадскі парадак. Назіральніца сваёй віны не прызнала, аднак суддзя А. Кострыкаў пакараў яе 7 суткамі арышту.

Актывіст кампаніі "За свабоднае развіццё прадпрымальніцтва" Віктар Крываль быў затрыманы 17 лютага. Яго абвінавацілі ў распаўсюджванні ўлётак "антыдзяржаўнага характару", з заклікамі ўзяць удзел у мітынгу індывідуальных прадпрымальнікаў у Менску 18 лютага.